Mr.

24歲後的一個月,縱使他不願意,也不得不承認,自己已經是個Mr..不是那種在生日那天的零時零分,在眾人面前煞有介事誓神劈願式的一步到位,也不是突然之間對著花灑頭忽發奇想:"呀~不如從今天開始成熟一點吧~"於是帶點挑皮的來一個美少女戰士式變身.現實總是帶點沉悶和無奈,只是在他的生活裏頭,有太多事情用他的方法唔 work無 point唔 efficient, tackle 唔到個problem去唔到個 aim,吃力不討好(當中包括別人和自己).再加少少(其實是多多)的工作家庭學業友情供車供廠供寫字樓的生活壓力.心諗唔係露應該有另一種解決辦法.Nothing special,nothing romance一種解決辦法永遠都係由:"咁樣落去唔係露喎~"而產生的.

從前有個小朋友,覺得頂唔蒲,唔係露,於是...變左個佬.